दैनिक झुंजार टाईम्स
कैलासराजे घरत:- खारपाडा पेण प्रतिनिधी
दिनांक:- १६-०९-२०२५
चाईल्ड केअर सामाजिक संस्था रायगडची रविवार दिनांक १४/९/२०२५ रोजी वार्षिक महत्वाची सभा संस्थेचे संस्थापक, अध्यक्ष विकास कडू यांच्या अध्यक्षतेखाली (करळ-उरण) येथे मोठया उत्साहात संपन्न झाली. सभेमध्ये विविध विषयांवर चर्चा झाली. नवदुर्गा सन्मान रायगड, विशेष सन्मान रायगड हे पुरस्कार वितरण सोहळा शनिवार दिनांक २७ सप्टेंबर २०२५ रोजी श्री.रत्नेश्वरी मंदिर जसखार येथे दिमाखदार सोहळा संपन्न होणार आहे, संस्थेचा ९ वा वर्धापन दिन मोठ्या उत्साहाने संपन्न करण्यात येणार आहे. ९ व्या वर्धापन दिनानिमित्त रायगड जिल्हामध्ये उल्लेखनीय कार्य करणाऱ्यांना रायगड रत्न हा पुरस्कार देण्यात येणार आहे. उरण, पनवेल, पेण, कर्जत, अलिबाग, महाड या तालुक्यात विशेष कार्य करणाऱ्यांना तालुका रत्न हा पुरस्कार देण्यात येणार आहे. आदी निर्णय एकमताने घेण्यात आले. सभेमध्ये संस्थेची प्रामुख्याने फेर निवड झाली. प्रकाश ठाकूर (धुतम-उरण)यांची मुख्य सचिव पदी नियुक्ती करण्यात आली. तर सहसचिव पदी सचिन गावंड (दुरशेत-पेण)यांची निवड करण्यात आली. तसेच हितेश म्हात्रे (जसखार-उरण)यांची उपाध्यक्ष पदी निवड करण्यात आली. सर्व नवनिर्वाचीत पदाधिकाऱ्यांना संस्थेच्या सर्व पदाधिकारी, सदस्यांनी शुभेच्छा दिल्या.
सभेची प्रस्तावना संस्थेचे संस्थापक अध्यक्ष विकास कडू यांनी केली. सभासदांना मार्गदर्शन करताना ते म्हणाले की “समाज सेवा हीच खरी ईश्वरसेवा” हे ब्रीद वाक्य लक्षात घेऊन ह्या चाईल्ड केअर सामाजिक संस्थेची स्थापना केली. सुरुवातीला ही संस्था फक्त उरण तालुक्यामध्ये मर्यादित काम करत राहिली. नंतर संस्थेने संपूर्ण रायगड जिल्ह्यात समाजसेवेचे कार्य सुरु केले आहे, आज ह्या संस्थेचे नाव रायगड नव्हे तर महाराष्ट्रभर गाजत आहे. पेण तालुका अध्यक्ष पत्रकार कैलासराजे घरत यांनी सभेला मार्गदर्शन करताना खूप मोलाचे सल्ले दिले. चाईल्ड केअर सामाजिक संस्था रायगड ही संस्था नवव्या वर्षात पदार्पण करत आहे. कुठल्याही संस्थेला ९ वर्ष झाली म्हणजे त्या संस्थेचे कार्य अफाट आहे. त्याबद्दल संस्थेच्या पदाधिकारी आणि सदस्यांचे करावे तेवढे कौतुक कमी आहे. तसेच सभासदांनी या संस्थेसाठी थोडा फार तरी वेळ काढावा ही विनंती करतो
आपण समाजाचे काही तरी देणे लागतो या सामाजिक भावनेने प्रत्येकाने खारूताई च्या रूपाने का होईना समाजसेवेत सहभाग घ्यावा. असे आवाहन पत्रकार कैलासराजे घरत यांनी केले. सभेचे आभार प्रदर्शन अध्यक्ष विवेक पाटील यांनी केले.
या सभेसाठी रायगड जिल्ह्यातील विविध तालुक्यांतून पदाधिकारी, सदस्य मोठया संख्येने उपस्थित होते. यावेळी विकास कडू, विवेक पाटील, विक्रांत कडू, मनोज ठाकूर, प्रकाश ठाकूर, रोशन घरत, पत्रकार कैलासराजे घरत, विनायक म्हात्रे, विजेंद्र पाटील, राजेश ठाकूर, विश्वनाथ घरत, भूषण कडू, समीर पाटील, धीरज घरत, सचिन गावंड, हितेश म्हात्रे, विवेक कडू, भूषण भोईर, विपुल कडू, अमोल डेरे आदी पदाधिकारी, सदस्य उपस्थित होते.अशा प्रकारे चाईल्ड केअर सामाजिक संस्थेची वार्षिक सभा अत्यंत उत्साहात, खेळीमेळीच्या वातावरणात संपन्न झाली. संस्थापक अध्यक्ष श्री विकास कडू साहेब यांनी सर्वांसाठी खूपच छान अल्पोपहार आणि बसण्याची व्यवस्था केली होती. त्याबद्दल त्यांचे आभार आणि धन्यवाद सर्वांनी एक दिलाने एक कुटुंब समजून सामाजिक कार्यात सहभागी होऊया. आपले आपल्या संस्थेचे नाव मोठे करूया.
