दैनिक झुंजार टाईम्स 

अलंकार कडू:- पनवेल प्रतिनिधी

दिनांक:- १६-१०-२०२५

पनवेल:- वाढत्या सायबर गुन्ह्यांच्या पार्श्वभूमीवर विद्यार्थ्यांमध्ये जागरूकता निर्माण करण्याच्या उद्देशाने छत्रपती शिवाजी महाराज विद्यापीठ, शेडुंग (ता. पनवेल) यांच्या वतीने सायबर सुरक्षा जनजागृती कार्यक्रमाचे आयोजन करण्यात आले. या कार्यक्रमास पनवेल तालुका पोलिस ठाण्याचे सक्रीय सहकार्य लाभले.

वरिष्ठ पोलिस निरीक्षक गजानन घाडगे यांच्या मार्गदर्शनाखाली हा कार्यक्रम करण्यात आले, तसेच कार्यक्रमाचे मार्गदर्शन सहाय्यक पोलीस निरीक्षक गौरव इंगोले यांनी केले.

त्यांनी विद्यार्थ्यांना संबोधित करताना सांगितले की,

“सायबर गुन्ह्यांपासून सुरक्षित राहण्यासाठी माहिती आणि जागरूकता हीच खरी सुरक्षा आहे. प्रत्येक विद्यार्थ्याने सायबर सुरक्षिततेचे भान ठेवून जबाबदार डिजिटल नागरिक बनावे.”

हा उपक्रम दिनांक १५ ऑक्टोबर २०२५ रोजी सकाळी ११:३० ते १२:३० या वेळेत पार पडला. या सत्रात मोबाईल व इंटरनेट फसवणूक, ऑनलाइन शॉपिंग फ्रॉड, फेक लिंक, सोशल मीडियावरील फसवणूक, फोनपे/गुगल पे फसवणूक, डिजिटल अरेस्ट, ऑनलाइन ट्रेडिंग फ्रॉड आदी विविध सायबर गुन्ह्यांबाबत माहिती विद्यार्थ्यांना देण्यात आली. तसेच NCCRP पोर्टल, सायबर हेल्पलाइन क्रमांक 1930, तसेच नवी मुंबई पोलिसांचे अधिकृत व्हॉट्सअ‍ॅप व इंस्टाग्राम पेज यांची माहितीही देण्यात आली.

या कार्यक्रमादरम्यान विद्यार्थ्यांनी मानवी साखळी तयार करून सायबर सुरक्षा जनजागृतीचा प्रभावी संदेश दिला. या कार्यक्रमास प्रो. डॉ. एस. पी. मिश्रा, डॉ. पियुष माहेश्वरी, डॉ. पंकज द्विवेदी, अनन्या यादव, गायत्री पल्वे, पोलीस अंमलदार नितीन सोनावणे ‘पोलीस अंमलदार राजेंद्र कुवर

तसेच विभागप्रमुखांसह एकूण १२ प्राध्यापक आणि सुमारे ९० ते १०० विद्यार्थी उपस्थित होते. तसेच राष्ट्रीय पुरोगामी पत्रकार संघाचे उरण तालुका सचिव अलंकार कडू हे देखील यावेळी आवर्जून  उपस्थित होते.